خلاصة العلاقه
هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
في العلاقات مافيش كلمة آسفة وآسف ، إنت لازم تصلّح الغلط بأي شكل وماتسبش تراكمات الزعل تبني جدار الفتور.
في الشكّ مابنسبش الطرف التاني لدماغه ، إنت مُجبر تقدم إجابات وتوضيحات لْـۆ يهمك وباقي عليه معاك.
في الغيرة مافيش إنت بتقيدني أو بتقيديني ، في تصرف حازم بإني أكون أكثر إحترامًا لمشاعر الطرف التاني وخوف عليه وعلى زعله .
في المشاكل مافيش هروب أو إنسحاب، في مواجهة وإلتزام بطرح حلول وسط ترضي الطرفين .
في التصرفات مافيش أنا طبعي كدا لْـۆ عاوزني استحمل واقبله ، في ضبط للنفس ومحاولة للتغيير وتقريب لجهات النظر .
في الحب مفيش حاجه إسمها كل واحد بيحب بطريقته في حاجه إسمها إيه اللي بيرضي الطرف التاني في الحب ماهو وارد طريقتك مش بترضيه هتفرضها عليه وكمان تحاسبه عليها طب ماهي أصلاً مش عجباه. ومش بترضيه هتحرقوا بنزين وطاقه كتير ليه هيبقي إيه لزمتها أو إيه العائد المعنوي اللي هيضيف لنفسيتكم .
في المشاعر مافيش إعتمادية علي طرف واحد، في توازن بين الطرفين في المسؤولية، كل واحد عارف اللي ليه واللي عليه واللي يتحجج بالظروف يبقي يا عبيط يا بيستعبط .
في المشاعر مافيش أصل أنا عملي وهو عاطفي، لازم نشبّع إحتياجات بعض ماهي دي علاقه عاطفية بين طرفين لآزٍمٍ ليها عائد مادي ومعنوي للطرفين .
مش علاقة أُحادية الخليه واحد يدي شغل وفلوس وواحد يدي حب كده تبقى صفقة خسرانه مش علاقه بين اتنين .
في المسؤولية مافيش حضور لطرف عن طرف، إنتوا الإتنين مُلزمين تنجحوا العلاقة وتتعبوا عليها عشان تكملوا مع بعض ده لْـۆ عاوزين بعض .
مافيش حاجه إسمها تاخده أو تاخدها ع قد عقله أو عقلها ،إذا لم تكونوا علي توافق عقلي وفكري وأخلاقي مع بعض أوعوا تكملوا .
مافيش أصل الولاد مابيحسوش، المشاعر مافيهاش ذكر وأنثي ما بيحسوش يبقوا ميتعاشروش ويعيشوا مع نفسهم بعيد عننا ويسيبونا في حالنا و ميقرفوناش.
وقت الخناق مش حرب، دا أشد وقت للإحتواء ، وظهور معدن وأصل كل طرف ونضج تصرفه أو فجره في الخصومه.
وقت الخصام مش هجر وفُجر، دا أشد وقت للإنسانية وصدق المحبة ونوايا الخير.
الضغوطات مش مؤشر لسوء طرف أو إنتهاء العلاقة، دا تحدي لشدة تمسككم ببعض، الإنسحاب ساعتها دليل قاطع علي ضعف التمسك.
الفتور طبيعي جدًا في العلاقة، مش مؤشر علي جفا طرف، غيروا الروتين وإكسروا الملل وفكروا نفسكم إنكم لْـۆ بتحبوا الطرف التاني بصدق فهو يستحق إنكم تحاولوا عشانه ومتتخلوش عنه.
العناد أول طريق لفشل العلاقة، الشخص العنيد في عدم التغيير والتفاهم وده طبعه ميتعاشرش.
ما بالطبع لا يتغير .
الفلوس بتشتري نوع واحد من الستات، وأكيد كلنا عارفين، بس لا هتشتري قلب ولا حب بصدق ولا أمانه وضمير. ولاهتلاقي اللي يصونك ويصون شرفك بالفلوس .
إمتلاك الرجل للست مش بعقد جوازها إمتلاكها بإمتلاك قلبها اللي هيخليها تصون حبها وقلبها وشرفها حتي لْـۆ مش معاه
كتير أزواج وخاينين لا عندهم زمه ولا الفلوس أوجدت ليهم ضمير .
الأنوثة مش نحنحه ومحن، الأنوثه هي إنك تبقي راجل مع الكل وأنثى واحده بس مع راجل واحد بس وقليل اللي يفهم النقطه دي .
المهم يكون راجل
العلاقة مابتقومش علي راجل شديد الرجولة ولا أنثي متفجرة الأنوثة، العلاقة بتتبني علي أربع أركان.
إنجذاب القلب.
إنجذاب العقل.
الإنجذاب الروحي.
وآخرهم الأنجذاب الجسدي، هو آه مطلوب لإستمرار العلاقه وركن أساسي في إستمرارها بس لْـۆ سبق كل دول هتبقي علاقة حيوانيه شهوانيه مش علاقه سويه قائمة ع الحب والود والرحمة .
ربنا ميز الإنسان عن سائر مخلوقاته بقلب وعقل يروض بيهم رغباته وغرائزة فيما حلل •اللّـہ̣̥
مش العكس زي الحيوانات.
ولازم يجتمعوا جميعًا في العلاقة، مابتنجحش علاقة بركن واحد أو رُكنين.
العلاقة مش راجل بيصرف ألوفات شهريًا ولا ست شايلة نضافة البيت علي كتافها.
"العلاقة تقدير وحِرص كل طرف علي إنه يقدم كامل مسؤولياته، وإلتزاماته، وحُبه، وحُسن طباعه وقوة تحمّله للطرف الأخر"
الجواز مش يينهي الحُب، في طرف بيستني تعويض زيادة عن اللزوم بعد الجواز وطرف بيبخل .
الجواز مش بينهي الحُب، في طرف بيتحجج بكثرة المسؤوليات، وبيهمل إحتياجات الطرف التاني .
الجواز مش بينهي الحُب، في طرف كان واخد الحكاية نهايتها الجواز ف لما جت النهاية
إنتهت معاها الحكاية.
الجواز بيزيد معاه حُب العشرة والسكينة.
القوامة فرض يُحاسب عليه الرجل ودين عليه مش تفضل منه او جميل منه.
(الرجال قوامون على النساء بما فضل الله به بعضهم على بعض وبما ينفقون م̷ـــِْن أموالهم)
والقوامه يعني قائم ب
الرجال قوامون علي النساء يعني قائمون بإحتياجات النساء. مش فرض عضلات ع الفاضي
طاعة الأنثي لراجلها واجب و جهاد في سبيل الله.
كن لـٍهآ رجلا. بكل معاني الرجوله تكن ڵـڱ أنثى كما ينبغي
العلاقات مافيهاش أنا كلامي يتسمع، في حاجه اسمها أسباب تُقدم ومن شروطها أنها تكون مُقنعة ويرضي عنها الطرف الأخر ، مش تحكم رأي بغشوميه وغباوه.
دي مش حرب دي علاقه بين طرفين أصلها موده ورحمه لإثنين سكن وسكينه لبعض ربنا خلقهم بنواقصهم عشان يكملوا بعض .
مش منافسه ع مين احسن م̷ـــِْن مين
الكمال لله وحده
العلاقة راجل لازم يجيب ويعمل ويقدم، علي قدر الإمكان
وست تقدر وتقبل وترضى وتحمد ربنا
راجل مرسل وست مستقبل.
وفي الاخر هيعود بالرضا ع الطرفين طالما عاوزين بعض
رَبّـ❤ـيٌ يرزق الجميع فرحة وخير في هيئة اشخاص تنور قلوبهم وحياتهم
🔥هہمہسہآتہ حہآئرة🔥
#همسات_حائرة
