خدعوك فقالوا ست ب 100 راجل
هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
رئيس مجلس إدارة مجلة همسات حائرة للفنون والأدب
مش عيب لما الست تبقي وسط الناس كفاءة ورجوله.
لكن عيب الدكر أما يتنسون ويبقي في سوق الرجال هلهوله😏
واللي يمضغ عرض الناس وشرفهم في حنكه زي اللبان
يبقى معداش عليه راجل في أهله و تربية نسوان😏
والدكر اللي يحاول يعمل راجل أو يعرضها ع واحدة ست
يبقي في سوق الرجال آخره ينور زي المفك التست😏
واللي في نظره الرجولة تلسين زي الحريم وكلام
يبقى يشرب اللبن ويدفيها كويس قبل ما ينام😏
*****
وبردوا قالوها زمان
وإتربينا عليها كمان
الراجل الشهم الجدع الأصيل
نخوه وشرف وضمير
لو لجأتي إليه جبل يسندك وبيكي عمره ما يميل
لا عنك يوم يتخلى
ولا ينتظر مقابل ولا رد الجميل
أصل الشهامة طبع في ولاد الأصول
فرق واضح للجميع
ما بين الأصيل ابن الرجال
والعويل😏
*****
لو كل واحد فهم وترجم كلامي زين
وفهم إن الرجولة وتد
مش هلفطة ورغي عالفاضي والفعل مخزي وشين
وان ربك قال دكر وميز بس الرجال على النساء بأفعالهم الزين
******
وإن لتات الحريم جوفه فاضي
آخره مداس للكل وراضي
يخوض في عرض غيره عادي
أصله واطي
وفاكر نفسه ملاك وقاضي
وهو ذنوبه تلال معاصي
لا ليه حبيب
وماضيه معيب
آخره ف سيرة الناس يجيب
مالوش شرف
وماضيه قرف
حسود وغله للجميع إتكشف
كل اللي سمعه وصدقه
نفس طبعه جاتهم قرف
أصل القرف بيجيب قرف
والغل وسواد القلوب
طفح في وشه وإتعرف
********
ربك ليه حكمه ف كل رزق بيمنحه
أو يمنعه .
مش كل علمه بنعرفه
أو نفهمه.
كفايه ترضى وتحمده
أو تشكره.
رزقك نصيبك
مهما قولت وإعترضت راح يصيبك.
رزق بيبان من ملامحك
رزق ف حب الناس وقلبك
رزق ف طريقك وف حياتك
رزق ف فلوسك وف ولادك
حتى ف مصابك وف مماتك
ياتقضي عمرك تشكره وتحمده
وتركز بس ف حياتك .
يا تموت بغضبه مكتفك
وجبال معاصي فوق كتافك .
ملحوظة
خدعوك فقالوا ان فيه ست ب 100 راجل.
الست الصح = 100 دكر.
مفيش ست مهما كانت صح بتساوي 100 راجل أبدًا
مفيش أصلاً وجه مقارنه بين الست والراجل
* المقارنه بين الست وأشباه الرجال (الذكر) بس
واللي يحط نفسه مقارنه مع واحده ست
ينسى تشخيصه أصلا بين الرجال
ويعترف بأنوثته بلا خيبه😏.
ربنا خلق الراجل والست كلٌ ميسر لما خلق له .
كل واحد ليه دور يكمل بيه التاني
مش عشان ينافسوا بعض
لا في رجوله ولا أنوثه.
الطبيعه اجمل والله
بلاش اللعب في الثوابت والطبيعه وتطلعولنا جنس ثالث متحور
محناش عارفين ده دكر والا ست 😅
اللهم لٱ تؤاخذنا بما فعل السفهاء منا 😒
بلاش هطل.
يا تشربوا بريل وتسترجلوا وتبطلوا لت نسوان يتغيروا جنسكم في البطاقة ومتقرفوناش
وعجبي 😏
هبة الله يوسف محمود سند
كاتبة وفنانة تشكيلية
المستشار الإعلامي بجريدة الهرم المصري نيوز
رئيس مجلس إدارة مجلة همسات حائرة للفنون والأدب
🔥هہمہسہآتہ حہآئرة🔥
#همسات_حائرة
ليست هناك تعليقات:
إرسال تعليق